ဟိန်းလတ်
အမည်ရင်းမှာ ဦးမောင်မောင်ဦးဖြစ်ပြီး ၂၁-၁၁-၁၉၄၈ခုနှစ်တွင် အဘ ဦးမောင်မောင်၊ အမိ ဒေါ်မြင့်မြင့်တို့မှ ရန်ကုန်မြို့တွင် မွေးဖွားခဲ့ပါသည်။ လေဒီပေါ်ဖွန်းကျောင်းတွင် သူငယ်တန်း၊ ဘောင်ဒရီအလွတ်ပညာသင်ကျောင်း တွင် အလယ်တန်း၊ ၈ တန်း၊ ၉ တန်းကို ခရစ်ယာန်အထက်တန်းကျောင်း၊ တက္ကသိုလ်ဝင်တန်းကို ဗဟို(စံပြ) အထက်တန်းတွင် တက်ရောက်အောင်မြင် ခဲ့ပါသည်။ ရန်ကုန်တက္ကသိုလ်မှ B.Sc., Dip.Lib, D.W.S ဘွဲ့များကို ရရှိခဲ့သည်။
စိုက်ပျိုးရေးတက္ကသိုလ်တွင် စာကြည့်တိုက်မှူး၊ နိုင်ငံပညာရေးသုတေသနအဖွဲ့ တွင် သုတေသနာအရာရှိ တာဝန်များကို ထမ်းဆောင်ခဲ့သည်။ ၁၉၉၇ ခုနှစ်မှ စ၍ ပေါ်ပြူလာဂျာနယ် အယ်ဒီတာချုပ်နှင့် Asia Fame Media Company ၏ ဒုတိယဥက္ကဋ္ဌ တာဝန်များကို ၁၆ နှစ် ထမ်းဆောင်ခဲ့သည်။
၁၉၆၅ ခုနှစ်စ၍ စာပေများ ရေးသားခဲ့ရာ ယခုအချိန်ထိ ဆောင်းပါး ပေါင်း ၄၀ဝ၀ ကျော်နှင့် လုံးချင်းစာအုပ် ၁၇၁ အုပ် ရေးသားထုတ်ဝေပြီးဖြစ် သည်။ ထိုစာအုပ်များအနက်မှ တတိယကမ္ဘာမှ ပထမကမ္ဘာသို့ (အမျိုးသားစာပေဆု – ၂၀ဝ၃)၊ အရှေ့လေ လွှမ်းသောအခါ (သုတစွယ်စုံ စာပေဆု – ၂၀၁၄)၊ တရုတ်-အိန္ဒိယဆုံမှတ် (ဘုန်းမော်စာပေဆု၊ နိုင်ငံရေး – ၂၀၁၅)(ထွန်းဖောင်ဒေးရှင်း သုတပဒေသာဆု -၂၀၁၅)၊ ကျမမာလာလာ (အမျိုးသားစာပေဆု – ၂၀၁၅)၊ ရေထဲမှာလူ လူထဲမှာရေ (သုတစွယ်စုံစာပေ ဆု -၂၀၁၈) တို့ကို ရရှိခဲ့သည်။
စာနယ်ဇင်းသင်တန်းများကို နိုင်ငံခြားသတင်းစာဆရာအသင်း UNICEF (ရန်ကုန်)၊ IMCC တက္ကသိုလ် (အိန္ဒိယ)၊ Amsar တက္ကသိုလ် (ထိုင်း)၊ ဂိုလ်ဒါမေယာ တက္ကသိုလ် (အစ္စရေး)တို့တွင် တက်ရောက်ခဲ့သည်။
မြန်မာနိုင်ငံ စာရေးဆရာကိုယ်စားလှယ်အဖွဲ့ဝင်အဖြစ် တရုတ်ပြည်သူ့ သမ္မတနိုင်ငံ ၉ ကြိမ်၊ အိန္ဒိယနိုင်ငံ ၃ ကြိမ်နှင့် ထိုင်း၊ စင်္ကာပူ၊ မလေးရှား၊ အင်ဒိုနီးရှား၊ ဗီယက်နမ်၊ လာအို၊ ကမ္ဘောဒီးယား၊ ဟောင်ကောင်၊ နီပေါ၊ သြစတေးလျနိုင်ငံများသို့ လေ့လာရေးခရီး သွားရောက်ခဲ့သည်။
လူမှုရေးအသင်းအဖွဲ့များနေနှင့် မြန်မာနိုင်ငံစာကြည့်တိုက် ဖောင်းဒေးရှင်း (ဗဟိုကော်မတီဝင်)၊ မြန်မာနိုင်ငံကင်းထောက်အသင်း (ဗဟို ကော်မတီဝင်)၊ ပြေတီဦးပညာရေးဖောင်ဒေးရှင်း (ဗဟိုကော်မတီဝင်)၊ မြန်မာစာရေးဆရာကလပ် (ဗဟိုကော်မတီဝင်)၊ အမျိုးသားစာပေ ဆုရွေး ချယ်ရေးအဖွဲ့ (ဗဟိုကော်မတီဝင်)၊ စာပေဗိမာန်ဆုရွေးချယ်ရေးအဖွဲ့ (ဗဟိုကော်မတီဝင်)၊ မြန်မာဘာသာပြန်ကွန်ရက် (ဒု-ဥက္ကဋ္ဌ)၊ မြန်မာဝီကီပီးဒီး ယားအဖွဲ့ (ဥက္ကဋ္ဌ) တာဝန်များ ထမ်းဆောင်လျက်ရှိပါသည်။
လက်ရှိတွင် ရွှေသံလွင်မီဒီယာကုမ္ပဏီ၊ Skynet ရုပ်သံ၏ One News Channel တွင် အထွေထွေမန်နေဂျာအဖြစ် တာဝန်ထမ်းဆောင်လျက်ရှိ သည်။
