စံပယ်ဖြူနု
၁၉၈၀ ပြည့်နှစ် ဇူလိုင်လ ၁၅ ရက်တွင် ကချင်ပြည်နယ်၌ မွေးဖွား ခဲ့သည်။ အမည်ရင်းမှာ မဖြူနု ဖြစ်သည်။
၁၉၉၇ ခုနှစ်တွင် အခြေခံပညာအထက်တန်း အောင်မြင်ခဲ့သည်။ ၂၀ဝ၀ ပြည့်နှစ်မှ ၂၀ဝ၃ ခုနှစ်အထိ မန္တလေးနိုင်ငံခြားဘာသာ တက္ကသိုလ်တွင် ပညာသင်ယူခဲ့ပြီး အင်္ဂလိပ် ဘာသာစကား အဓိကဖြင့် ဝိဇ္ဇာဘွဲ့ကို ရရှိခဲ့သည်။
တက္ကသိုလ်ကျောင်းသူဘဝတွင် နာမည်ရင်းအပါအဝင် ကလောင် အမည် အမျိုးမျိုးဖြင့် ကဗျာများ၊ ဝတ္ထုတိုများ စမ်းသပ်ရေးသားခဲ့သည်။ ၂၀ဝ၆ ခုနှစ်တွင် စံပယ်ဖြူနု ကလောင်အမည်ဖြင့် စာပေလောကသို့ စတင်ဝင် ရောက်ခဲ့သည်။ ရွှေအမြုတေ၊ Teen ချယ်ရီ၊ ကလျာ၊ ရနံ့သစ်၊ ခေတ်ရနံ့၊ Treasure Land ၊ Faces စသည့် မဂ္ဂဇင်းများတွင်လည်း မဂ္ဂဇင်းဝတ္ထုတို၊ ဝတ္ထုရှည်များ ဖော်ပြခြင်းခံခဲ့ရသည်။
၂၀၁၄ ခုနှစ်တွင် ပထမဆုံးဝတ္ထုရှည်ဖြစ်သော မြောက်ဖျားက အလွမ်းရာသီကို ထုတ်ဝေခဲ့သည်။
လက်ရှိအချိန်အထိ မြောက်ဖျားက အလွမ်းရာသီ (၂၀၁၄)၊ ခေတ်ရယ် အချစ်ရယ် (၂၀၁၅)၊ ရှေးရှေးတုန်းက ကံ့ကော်ပွင့်တွေ(၂၀၁၅)၊ လှပ်၍လွင့်သောကမ္ဘာ(၂၀၁၆)၊ အလွမ်းဆိုင် (၂၀၁၈)၊ တိမ်တိုက်ကားချပ် အဝါ(၂၀၂၀) စသည့် ဝတ္ထုရှည် ခြောက်အုပ်၊ အခါတစ်ပါး (၂၀၂၀) ဝတ္ထုလတ်၊ အပြန်လမ်းဘယ်မှာ လမ်းဘယ်မှာနှင့် အခြားမဂ္ဂဇင်းဝတ္ထုတိုများ(၂၀၁၅)၊ မြို့ကလေးနေမကောင်းပါဝတ္ထုတိုစု (၂၀၁၈) စသည့် ဝတ္ထုတိုပေါင်းချုပ်နှစ်အုပ်၊ အရိပ်လေးဆယ် (၂၀၂၁)၊ လွမ်းစရာ့ကမ္ဘာ (၂၀၂၂) စသည့် ရသအက်ဆေးနှစ်အုပ် ထုတ်ဝေပြီးဖြစ်ကာ အယ်နီ (၂၀၁၆) နှင့်၊ ပါလေရာအယ်နီ(၂၀၁၇)၊ တစ်ခါတုန်းကအယ်နီ (၂၀၂၀) စသည့် ကလေးဝတ္ထုတိုစုစာအုပ် သုံးအုပ်ကိုလည်း ရေးသားထုတ်ဝေခဲ့ ပြီးဖြစ်သည်။
ဖူးငုံဆယ်ကျော်သက်မဂ္ဂဇင်းတွင် ဖော်ပြခဲ့သော အပြန်လမ်းဘယ်မှာ လမ်းဘယ်မှာ ဝတ္ထုတိုဖြင့် ၂၀၁၂ ခုနှစ် ရွှေအမြုတေစာပေဆု(ဝတ္ထုတိုဆု)၊ မြောက်ဖျားက အလွမ်းရာသီ ဝတ္ထုရှည်ဖြင့် သဟာယစာပေဆု၊ ၂၀၁၄ ခုနှစ် အတွက် အမျိုးသားစာပေဆု (ဝတ္ထုရှည်)၊ ပါလေရာအယ်နီ ကလေးဝတ္ထုတိုစုဖြင့် ၂၀၁၇ ခုနှစ်အတွက် အမျိုးသား စာပေဆု (ကလေးစာပေ) တို့ကို ရရှိခဲ့သည်။
